मन आणि खुणा

कधी भरकटते मन
तर कधी होते सैरभैर
द्यावा लागतो कधी आधार
स्वतःच स्वतःला

विस्कटलेल्या मनाची
कधी घालावी लागते घडी
पण मागे तरीही उरतातच
चुरगाळल्याच्या खुणा

या खुणा जर का बोचल्या
तर करून टाकावी
त्या सगळ्यांना इस्त्री
मग, परत मिळत आपलच आपल्याला कोर करकरीत... मन

मला विचाराल तर मात्र
ठेवाव्यात या खुणा तशाच
आणि बारकाईने
त्यांच कराव निरीक्षण

निरखावित त्यांची वळणे
आणि घ्यावा त्यांचा आढावा
करावा सखोल अभ्यास
आणि मिळवावी निपुणता

फिरून होइल याचा फ़ायदा
जाणार नाहीत कष्ट वाया
आतुन कधी जाणवेल जेव्हा
या सगळ्याची सार्थकता

सांगाल मग तुम्ही कधी
इतरांना पण हेच
आणि मग उगाच लोक म्हणतील
"फारच विचारी झालात बुवा"

पटो न पटो इतरांना
ठेवाल जर हे विचार मनात
उतरतील कधी नंतर ते
असेच एखाद्या काव्यात...!

Comments

Post a Comment

Popular posts from this blog

आठवणींचा पुंजका

आठवणींचा पुंजका कधी विचारतो अवघड प्रश्न तर कधी देतो उत्तर माहित नसलेल्या प्रश्नांची नव्याने सापडतो आपण स्वतःलाच जेंव्हा जेंव्हा येतो पूर - आठवणींचा आणि हा पूर देऊन जातो परत एक आठवण…. एक आठवण…. जिच्यामुळे मिळते मनाला उभारी आणि दुखाला फुंकर आनंदाला गती आणि स्वप्नांना पंख एक आठवण….  असते मिश्रण भावनांचे इंद्रधनुष्याच्या रंगांचे आणि फुलपंखी सुवासाचे एक आठवण…. जी करून देते जाणीव गेलेल्या सुरेख क्षणांची आणि अश्रूंनी भरलेल्या त्या हसऱ्या डोळ्यांची एक आठवण …. कायम सोबत राहणारी हातात हात धरलेल्या एका सखी सारखी एक आठवण …. ~ मानसी
Read more

कोलाज

Image
                 अगदी लहानपणी शाळेत असताना बाईंनी चित्रकलेतील हा नवीन प्रकार शिकवलेला आम्हाला. वेगवेगळ्या प्रकारचे कागदी छोटे-छोटे तुकडे एकत्र करून त्यापासून एक नवीन अर्थपूर्ण चित्र तयार करणे. मला हे असं कोलाज बनविण फार आवडायचं आणि लहानपणी शाळेत असताना बनवलेली कोलाज अजून ही  जपून ठेवली आहेत मी.      खरंच किती सुंदर कल्पना आहे ही की काहीही अर्थ नसलेले वेगवेगळे तुकडे एकत्र करून एक नाविन्यपूर्ण चित्र बनाविणे. आपल आयुष्य पण असंच असत नाही का? वेगवेगळ्या, एकमेकांपासून भिन्न असलेल्या माणसांचं, अनुभवांचं आणि भावनांच एक सुंदर कोलाजच असत की आपलं आयुष्य म्हणजे. एका चित्रकाराच्या दृष्टीकोनातून पाहिले तर ही कल्पना मला जाम भुरळ घालत आहे.       माणूस जेंव्हा जन्माला येतो तेंव्हा या चित्राला सुरवात होत असावी. मग जसजसे दिवस, महिने, वर्षे सरतात तसतसे या चित्राला निरनिराळा आकार आणि रंग प्राप्त होऊ लागतात. जितक्या प्रकारची माणसं, तितक्या प्रकारची चित्रं. प्रत्येक माणसाच्या आयुष्याप्रमाणे निराळ्या आकाराचे आणि निराळ्...
Read more